कोरोना व्हायरस : महाराष्ट्र आता 89 तर देशात 415 रुग्ण, पाहा जगभरातले सर्वांत ताजे आकडे

जगभरात 186 देशांमध्ये कोरोना व्हायरस पसरला असून कोरोनाग्रस्त रुग्णांची संख्या 3 लाखांपर्यंत पोहोचली आहे.

महाराष्ट्रातील आकडेवारी -

महाराष्ट्रात कोरोनाग्रस्त रुग्णांची संख्या 89 झाली आहे. तसंच कोरोना व्हायरसची लागण झाल्यामुळे राज्यातील 3 रुग्णांचा मृत्यू झाला आहे.

जगभरातील आकडेवारी -

जगभरात कोरोनाग्रस्त रुग्णांची संख्या 2 लाख 94 हजार 110 इतकी झाली आहे. यापैकी 12 हजार 944 रुग्णांचा मृत्यू झाला आहे. तर भारतात कोरोना व्हायरसची लागण 415 जणांना झाली आहे.

दरम्यान, कोरोना व्हायरसला वर्ल्ड हेल्थ ऑर्गनायझेशनने (WHO) Pandemic अर्थात जागतिक आरोग्य संकट घोषित केलं आहे.

कोरोना विषाणूमुळे कोव्हिड-19 हा आजार होतो.

या आजाराची प्राथमिक लक्षणं अत्यंत साधी आहेत. मात्र, आजार जास्त बळावला तर मृत्यूचा धोकाही संभवतो.